நடு வீதியில் வைத்துப் பெண் ஒருவர் மீது மூர்க்கத்தனமான தாக்குதல்! துப்புரவு தொழிலாளிகளான இரு பெண்கள் கைது..

நடு வீதியில் வைத்துப் பெண் ஒருவர் மீது மூர்க்கத்தனமான தாக்குதல் நடத்திய குற்றச்சாட்டில் பெண்கள் இருவர் கைது செய்யப்பட்டிருக்கின்றனர். 

குறித்த சம்பவம் கொழும்பு - கொள்ளுப்பிட்டி பகுதியில் நேற்றுமுன்தினம் காலை இடம்பெற்றுள்ளது. 

முன்னால் சென்ற முச்சக்கரவண்டியுடன் கார் ஒன்று மோதியதில் விபத்து ஏற்பட்டுள்ளதுடன், விபத்தில் முச்சக்கரவண்டியின் சாரதி உயிரிழந்துள்ளார்.

விபத்தின் பின்னர், காரின் சாரதி தப்பிச் சென்றதுடன், விபத்து இடம்பெற்றபோது காரின் பின்னால் இருக்கையில் அமர்ந்து சென்ற பெண் ஒருவரை இரு பெண்கள் தாக்கியுள்ளனர். 

தாக்குதலுக்கு உள்ளான பெண்ணிடம் வாக்குமூலத்தைப் பெற்றுக் கொண்ட கொள்ளுப்பிட்டி பொலிஸார் தாக்குதலை மேற்கொண்ட இரு பெண்களை கைது செய்துள்ளனர்.

கைது செய்யப்பட்ட சந்தேகநபர்கள் வெள்ளவத்தை மற்றும் எல்லக்கல பிரதேசத்தை சேர்ந்த துப்பரவு பணியில் ஈடுபடும் தனியார் நிறுவனமொன்றின் ஊழியர்கள் என பொலிஸார் தெரிவித்தனர்.

அவர்கள் இருவரும் இன்று கோட்டை நீதவான் நீதிமன்றில் ஆஜர்படுத்தப்படவுள்ளனர். தாக்குதல் சம்பவத்துடன் தொடர்புடைய பிரதான சந்தேக நபரை கைது செய்வதற்கான விசாரணைகள் முன்னெடுக்கப்பட்டு வருவதாக பொலிஸார் குறிப்பிட்டுள்ளனர்.

விபத்தை ஏற்படுத்திய கார் சாரதியை கைது செய்ய கொள்ளுப்பிட்டி பொலிஸார் மேலதிக விசாரணைகளை ஆரம்பித்துள்ளனர்.