நாயுடன் மோட்டார் சைக்கிள் மோதி விபத்து! இராணுவ சிப்பாய் பலி, மற்றொருவர் படுகாயம்..

வீதியின் குறுக்கே பாய்ந்த நாயுடன் மோட்டார் சைக்கிள் மோதி விபத்துக்குள்ளானதில் இராணுவ சிப்பாய் ஒருவர் உயிரிழந்துள்ளார். 

குறித்த சம்பவம் வெல்லவாய - எல்ல பிரதான வீதியில் அம்பவத்த பகுதியில் இடம்பெற்ற வாகன விபத்தில் ஒருவர் உயிரிழந்துள்ளார். வீ

குறித்த மோட்டார் சைக்கிளில் இருவர் பயணித்துள்ளதுடன் அவர்களில் ஒருவர் விபத்தில் உயிரிழந்துள்ளார்.

உயிரிழந்தவர் தம்பகல்ல பிரதேசத்தில் வசிக்கும் 41 வயதான இராணுவ சிப்பாய் ஒருவராவார். 

விபத்தில் காயமடைந்த மற்றைய நபர் வெல்லவாய ஆதார வைத்தியசாலையில் அனுமதிக்கப்பட்டு மேலதிக சிகிச்சைக்காக 

மொனராகலை மாவட்ட பொது வைத்தியசாலைக்கு மாற்றப்பட்டுள்ளார். விபத்து தொடர்பான மேலதிக விசாரணைகளை பொலிஸார் மேற்கொண்டுள்ளனர்.