வீதி ஓரத்தில் கேட்ட பச்சிளம் குழந்தையின் அழுகை சத்தம்! பொதுமக்கள் வழங்கிய தகவலால் குழந்தையை காப்பாற்றிய பொலிஸார்..

வீதி ஓரத்தில் பச்சிளம் குழந்தை ஒன்று அழும் சத்தம் கேட்டு அங்கு சென்ற பொதுமகன் ஒருவர் கைவிடப்பட்ட குழந்தை ஒன்றை கண்டெடுத்து பொலிஸாருக்கு தகவல் வழங்கியதை தொடர்ந்து குழந்தை பாதுகாப்பாக மீட்கப்பட்டுள்ளது. 

பொல்பித்திகம - கொருவா பூகொல்லாகம பகுதியில் வீதி ஓரத்தில் நேற்று காலை குழந்தை ஒன்று அழும் சத்தத்தை உணர்ந்த பொதுமகன் ஒருவர் சத்தம் வந்த திசையில் சென்று பார்த்தபோது வீதி ஓரமாக குழந்தை ஒன்று கைவிடப்பட்டிருந்தமை கண்டுபிடிக்கப்பட்டது. 

இதனையடுத்து பொலிஸாருக்கு அறிவிக்கப்பட்டதையடுத்து பொலிஸ் குழுவொன்று அங்கு சென்று சிசுவை மீட்டு பொல்பித்திகம ஆரம்ப வைத்தியசாலையின் மகப்பேறு பிரிவில் அனுமதிக்க நடவடிக்கை எடுத்துள்ளனர்.