ஒரு ஓவரில் 7 சிக்சர்கள்!! -புதிய சாதனை படைத்த ருதுராஜ் கெய்க்வாட்-

விஜய் ஹசாரே கிரிக்கெட்டில் மகாரஷ்டிரா அணி வீரர் ருதுராஜ் கெய்க்வாட் ஒரு பந்துப்பரிமாற்றத்தில் மட்டும் 7 சிக்சர்களை விளாசி புதிய சாதனை ஒன்றை படைத்துள்ளார். 

குறித்த தொடரின் உத்தரப் பிரதேசம் - மகாராஷ்டிரா அணிகள் மோதின. இந்த போட்டி அகமதாபாத்தில் உள்ள நரேந்திர மோடி ஸ்டேடியம் பி மைதானத்தில் நடந்தது. இதில் நாணயசுழல்ச்சியில் வென்ற உத்தரபிரதேசம் அணி பந்து வீச்சை தேர்வு செய்தது.

அதன்படி மகாராஷ்டிரா அணி களமிறங்கியது. 50 ஓவர் முடிவில் 5 விக்கெட்டுகளை இழந்து 330 ஓட்டங்களை குவித்தது. அதிக பட்சமாக அணியின் தொடக்க வீரரும் அணித் தலைவருமான ருதுராஜ் கெய்க்வாட் 159 பந்தில் 220 ஓட்டங்களை குவித்தார். லிஸ்ட் ஏ கிரிக்கெட்டில் இது அவரது முதல் இரட்டைச் சதம் ஆகும்.

இந்த போட்டியின் 49 ஆவது பந்துப்பரிமாற்றத்தில் 7 சிக்ஸர்களை விளாசி யாரும் படைக்காத புதிய சாதனையை ருதுராஜ் படைத்தார். அந்த ஓவரை உத்தரப் பிரதேச அணியின் சிவா சிங் வீசினார். அதில் 43 ஓட்டங்கள் விட்டுக்கொடுக்கப்பட்டது.