அக்காவை அடித்ததற்காக அத்தானை கத்தரிக்கோலால் 4 முறை குத்திய தம்பி! தலைமறைவான தம்பியை தேடுகிறது பொலிஸ்..

கணவன் தாக்கியதில் படுகாயமடைந்து வைத்தியசாலையில் அனுமதிக்கப்பட்டிருந்த பெண்ணை பார்க்க சென்றிருந்த கணவன் மீது பெண்ணின் சகோதரன் கத்திரிக்கோலால் குத்திவிட்டு தப்பிச் சென்றுள்ளார். 

குறித்த சம்பவம் பாணந்துறை தெற்கு பகுதியில் இடம்பெற்றுள்ளதாக பொலிஸார் தெரிவித்தனர். மனைவியின் மூத்த சகோதரரே (மைத்துனர்) அவரைக் கத்திரிக்கோலால் குத்திவிட்டு தப்பிச் சென்றுள்ளதாக பாணந்துறை தெற்கு பொலிஸார் தெரிவித்தனர். 

வயிற்றிலும் முதுகிலுமாக நான்கு இடங்களில் காயங்களுக்குள்ளான நபர் பாணந்துறை ஆதார வைத்தியசாலையில் சிகிச்சை பெற்று வருகிறார். தப்பிச் சென்ற சந்தேக நபர் வைத்தியசாலைக்குரிய கத்தரிக்கோலை பயன்படுத்தியே 

தனது மைத்துனரை தாக்கியமையும் விசாரணைகளில் தெரிய வந்துள்ளது.