இலங்கை கிரிக்கெட் வீரர்கள் மூவருக்கு இன்று திருமணம்

இலங்கை கிரிக்கெட் வீரர்கள் 3 பேர் இன்று திங்கட்கிழமை கொழும்பில் தனித்தனி இடங்களில் திருமணம் செய்து கொண்டனர். கசுன் ராஜித, சரித் அசலங்க மற்றும் பத்தும் நிஸ்ஸங்க ஆகியோரே திருமணம் செய்து கொண்டுள்ளனர். 

நேற்று கண்டி பல்லேகலவில் ஆப்கானிஸ்தானுக்கு எதிராக விளையாடிய இலங்கை அணியில் இவர்கள் பங்கேற்றிருந்தனர். அந்தந்த திருமண நிகழ்ச்சிகளைத் தொடர்ந்து இன்று திங்கட்கிழமை மாலைக்குள் அவர்கள் அணிக்குத் திரும்புவார்கள் என்று எதிர்பார்க்கப்படுகிறது.

கண்டி, பல்லேகலவில் புதன்கிழமை திட்டமிடப்பட்ட ஆப்கானிஸ்தானுக்கு எதிரான அடுத்த போட்டிக்கு தயாராவதற்காக கிரிக்கெட் வீரர்கள் அணிக்குத் திரும்பவுள்ளனர்.