இரு துப்பாக்கிகளுடன் கிளிநொச்சியில் ஒருவர் கைது!

துப்பாக்கிகள் மற்றும் வெடிமருந்துகளுடன் கிளிநொச்சி - சோலைநகர் பகுதியில் நேற்றைய தினம் ஒருவர் கைது செய்யப்பட்டுள்ளார். 

புதுமுறிப்பு பிரதேசத்திற்குட்பட்ட சோலைநகர்ப்பகுதியில் உள்ளூரில் தயாரிக்கப்பட்ட துப்பாக்கிகள் இரண்டு வைத்திருந்த சந்தேகத்தில் ஒருவர் 

கிளிநொச்சி வன ஜீவராசிகள் திணைக்கள அதிகாரிகளால் கைது செய்யப்பட்டுள்ளதுடன் அவரிடமிருந்து இரண்டு உள்ளூர் துப்பாக்கிகளும் மீட்கப்பட்டது.

மேலும் துப்பாக்கிக்கு பயன்படுத்தப்படும் ரவைகள், மருந்துகளும் மீட்கப்பட்டிருக்கின்றது.

இது தொடர்பான விசரணைகளை முன்னெடுத்து வரும் வன ஜீவராசிகள் திணைக்கள அதிகாரிகள், கைதான சந்தேக நபரையும் சான்றுப் பொருட்களையும் 

நீதிமன்றில் ஆஜர்படுத்தவுள்ளதாக தெரிவித்தனர்.