வழிப்பறி கொள்ளை உள்ளிட்ட சுமார் 30ற்கும் மேற்பட்ட கொள்ளை சம்பவங்களுடன் தொடர்புடைய நபர் கைது! குறித்த நபர் அமொிக்காவில் பொறியியல் பட்டம் பெற்றவராம்..

வழிப்பறி கொள்ளை உள்ளிட்ட சுமார் 30ற்கும் மேற்பட்ட கொள்ளை சம்பவங்களுடன் தொடர்புடைய அமொிக்காவில் கணனி மென்பொருள் பொறியியல் பட்டம் பெற்ற இளைஞர் ஒருவர் கொழும் - நாரஹேன்பிட்டி  கித்துல்வத்தை பகுதியில் கைது செய்யப்பட்டுள்ளார். 

25 கொள்ளைகள் மற்றும் 6 திருட்டுச் சம்பவங்களுடன் தொடர்புடைய இவர் சுமார் ஒரு கோடி ரூபா பெறுமதியான உடைமைகளை கொள்ளையடித்துள்ளமையும் சந்தேக நபரிடம் மேற்கொள்ளப்பட்ட நீண்ட விசாரணையின்போது தெரிய வந்துள்ளது.

சந்தேகநபரிடமிருந்து சுமார் 30 இலட்சம் ரூபா பெறுமதியான பல ஸ்மார்ட் கைத்தொலைபேசிகள் மற்றும் தங்க நகைகளும் கைப்பற்றப்பட்டுள்ளன. வீதிகளில் நிறுத்தி வைக்கப்படும் மோட்டார் சைக்கிள்களை திருடி கொழும்பு மற்றும் புறநகர் பகுதிகளில் 

பெண்களை குறிவைத்து கைப்பைகளை கொள்ளையடித்து வந்துள்ளதாக பொலிஸாரின் விசாரணையில் தெரிய வந்துள்ளது.