உறவினர் ஒருவரை வெளிநாடு அனுப்ப சென்றிருந்த வாகனம் கவிழ்ந்து விபத்து! பெண் ஒருவர் பலி, 10 பேர் காயம்..

வெளிநாடு செல்லும் உறவினர் ஒருவரை விமான நிலையத்தில் இறக்கிவிட்டு வீடு திரும்பிய வாகனம் விபத்துக்குள்ளானதில் பெண் ஒருவர் உயிரிழந்துள்ளதுடன், மேலும் 10 பேர் படுகாயமடைந்துள்ளனர். 

குறித்த சம்பவம் கல்லனமுல்ல பகுதியில் நேற்று இடம்பெற்றுள்ளது. காயமடைந்த 10 பேரும் சிகிச்சைக்காக வைத்தியசாலைகளில் அனுமதிக்கப்பட்டுள்ளனர். 

உயிரிழந்த பெண்ணின் உறவினர் ஒருவர் துபாய் செல்வதற்காக அவரை கட்டுநாயக்க விமான நிலையத்துக்கு அழைத்துச் சென்று வழியனுப்பி விட்டு 

வீடு திரும்பிக் கொண்டிருந்தபோதே வேன் வீதியை விட்டு விலகி விபத்துக்குள்ளானது. விபத்தில் காயமடைந்த 8 பேர் நாகொட வைத்தியசாலையிலும் 

இருவர் மீகஹதென்ன வைத்தியசாலையிலும் சிகிச்சை பெற்று வருகின்றனர்.