யாழ்.கோப்பாய் - கைதடி வீதியில் மர்மப் பொருள் வெடித்ததில் இருவர் படுகாயம்..!

யாழ்.கோப்பாய் - கைதடி வீதியில் சிரமதான பணியின்போது மர்ம வெடிபொருள் ஒன்று வெடித்ததில் இருவர் காயமடைந்துள்ளனர். 

நீர்வேலி பகுதியை சேர்ந்த தனியார் தொண்டு நிறுவனம் ஒன்று கோப்பாய் - கைதடி வீதியில் சிரமதான பணி மற்றும் மரநடுகையில் ஈடுபட்டிருந்த நிலையில், 

குறித்த வெடிப்புச் சம்பவம் இடம்பெற்றுள்ளதாகவும், சம்பவம் தொடர்பாக கோப்பாய் பொலிஸார் விசாரணைகளை ஆரம்பித்துள்ளதுடன், 

காயமடைந்தவர்கள் உடனடியாக வைத்தியசாலையில் அனுமதிக்கப்பட்டிருக்கின்றனர். சம்பவத்தில் காயமடைந்தவர்கள் கருத்து தெரிவிக்கையில் தாங்கள் ஒவ்வொரு ஞாயிற்றுக்கிழமையும் 

இந்த பகுதியில் புல்லு வெட்டும் பணியில் ஈடுபடுவதாகவும் இன்றைய தினம் வழமை போல் தாங்கள் மரம் நடுவதற்காக புல்லு வெட்டிக் கொண்டிருந்தபோது திடீரென மர்மப் பொருள் வெடித்ததாகவும் தெரிவித்துள்ளனர். 

குறித்த விடயம் தொடர்பில் யாழ்.தடயவியல் பொலிசார் சம்பவ இடத்திற்கு விஜயம் மேற்கொண்டுவெடிப்பு சம்பவம் தொடர்பில் ஆராய்ந்து வருகின்றனர்.