விபரீதமானது விளையாட்டு, நீரில் மூழ்கி காணாமல்போன 3 சிறுமிகள்! 10 வயது சிறுமியின் சடலம் மீட்பு..

படகுச் சவாரியின்போது படகு கவிழ்ந்து விபத்துக்குள்ளானதில் 3 சிறுமிகள் காணாமல்போன நிலையில் 10 வயது சிறுமியின் சடலம் கண்டெடுக்கப்பட்டுள்ளது. 

குறித்த சம்பவம் நேற்று சூரியவெவ மஹாவெலிகடஹார வாவியில் இடம்பெற்றுள்ளது. சம்பவத்தில் 10, 17, 18 வயதான 3 சிறுமிகள் நீரில் மூழ்கி காணாமல்போயினர், 

இதனையடுத்து நடத்தப்பட்ட தேடுதலில் 10 சிறுமியின் சடலம் கண்டுபிடிக்கப்பட்டதுடன், மற்றய சிறுமிகளை மீட்கும் பணிகள் தொடர்ந்து இடம்பெறுகின்றது. 

இதேவேளை கவிழ்ந்து விபத்துக்குள்ளான படகில் 8 பேர் பயணித்த நிலையில் 5 பேர் பாதுகாப்பாக மீட்கப்பட்டிருந்தனர். 

மீட்கப்பட்டவர்களில் 8 மாத குழந்தையும் அடங்கும். விபத்தில் சிக்கியவர்கள்  குருநாகல் பிரதேசத்தை சேர்ந்தவர்கள் எனவும் 

உறவினர் வீடு ஒன்றுக்கு வந்த நிலையில் இந்த அனர்த்தம் இடம்பெற்றுள்ளதாக தெரிவிக்கப்படுகிறது. 

மீன்பிடிக்க பயன்படுத்தப்படும் சிறிய படகில் 08 பேர் பயணித்ததால் இந்த விபத்து ஏற்பட்டுள்ளதாக பொலிஸார் மேலும் தெரிவித்தனர். 

வாவியின் நடுப்பகுதியில் படகு கவிழ்ந்துள்ளதாக பொலிஸார் தெரிவித்தனர்.