வீடொன்றிலிருந்து மீட்கப்பட்ட இரு சிறுமிகள்! கைவிட்டுச் சென்ற பெற்றோரை கண்டறிய பொதுமக்களின் ஒத்துழைப்பை நாடியுள்ள பொலிஸார்..

பெற்றோரால் கைவிடப்பட்ட நிலையில் பூட்டிய வீட்டினுள் இருந்து இரு பெண் குழந்தைகளை மீட்டெடுத்துள்ள பொலிஸார் குழந்தைகளின் பெற்றோரை கண்டுபிடிக்க பொதுமக்களின் ஒத்துழைப்பை நாடியுள்ளனர். 

குறித்த சம்பவம் அம்பலாங்கொட பகுதியில் இடம்பெற்றுள்ளது. நேற்றுமுன்தினம் வீடொன்றில் குழந்தைகள் பூட்டப்பட்டிருப்பதாக பொதுமக்கள் வழங்கிய தகவல் அடிப்படையில் வீட்டை உடைத்து குழந்தைகள் மீட்கப்பட்டனர். 

2 மற்றும் 3 வயதுடைய இரண்டு சிறுமிகளே இவ்வாறு கைவிடப்பட்டுள்ளனர். தற்போது பொலிஸாரின் பாதுகாப்பில் உள்ள இரண்டு குழந்தைகளையும் சிறுவர் இல்லத்தில் ஒப்படைப்பதற்கான அனுமதியை நீதிமன்றில் பெற்றுக்கொள்ள 

நடவடிக்கை எடுத்து வருவதாக அம்பலாங்கொடை பொலிஸார் தெரிவித்தனர். இந்த குழந்தைகளின் பெற்றோரைக் கண்டறிய பொதுமக்களின் உதவி கோரப்பட்டுள்ளதாகவும், 

அவர்கள் கண்டுபிடிக்கப்பட்டதும் அவர்களுக்கு எதிராக சட்ட நடவடிக்கை எடுக்கப்படும் எனவும் பொலிஸார் மேலும் தெரிவித்தனர்.