காயங்களுடன் வைத்தியசாலையில் அனுமதிக்கப்பட்ட 15 வயது சிறுமி மரணம், சிறுமியை வைத்தியசாலையில் அனுமதித்த இரு இளைஞர்களை காணவில்லை...!

இளைஞர்கள் இருவரால் வைத்தியசாலையில் அனுமதிக்கப்பட்ட 15 வயது சிறுமி ஒருவர் வைத்தியசாலையில் அனுமதிக்கப்பட்டு சிறிது நேரத்திலேயே உயிரிழந்த நிலையில் சிறுமியை வைத்தியசாலையில் அனுமதித்த இளைஞர்கள் காணாமல்போயுள்ளனர். 

குறித்த சம்பவம் கம்பஹா மாவட்ட பொது வைத்தியசாலையில் இடம்பெற்றிருக்கின்றது. சிறுமியை வைத்தியசாலையில் அனுமதித்த இரு இளைஞர்களும் சிறிது நேரத்திலேயே வைத்தியசாலையில் இருந்து காணாமல் போயுள்ளதாக வைத்தியசாலை பேச்சாளர் தெரிவித்துள்ளார். 

குறித்த சிறுமியை இரு இளைஞர்கள் காரில் வைத்தியசாலைக்கு கொண்டு வந்ததாகவும் சிறுமியை உடனடியாக பரிசோதித்த மருத்துவர் உயிரிழந்துள்ளமையை உறுதிப்படுத்தியதாகவும் வைத்தியசாலை வட்டாரங்கள் தெரிவித்தன.

இந்தச் சிறுமியின் முகத்திலும் உடலிலும் காயங்கள் இருந்ததை அவதானித்ததாகவும் பேச்சாளர் குறிப்பிட்டார்.