முதல் அரை இறுதி போட்டி!! நியூசிலாந்து - பாகிஸ்தான் நாளை பலப்பரீட்சை

அவுஸ்ரேலியாவில் நடைபெற்றுவரும் ரி-20 உலக கிண்ணத்திற்கான முதல் அரை இறுதிப் போட்டியில் நாளை புதன்கிழமை நியூசிலாந்து – பாகிஸ்தான் அணிகள் பலப்பரீட்சை நடத்தவுள்ளன. 

இத் தொடரின் சூப்பர் 12 சுற்று நேற்று முன்தினம் முடிவடைந்தன. இதன் முடிவில் முன்னாள் சாம்பியன்களான இந்தியா, பாகிஸ்தான், இங்கிலாந்து மற்றும் நியூசிலாந்து ஆகிய நாடுகள் அரை இறுதிக்கு தகுதி பெற்றன. 

இந்நிலையில் 2 நாட்கள் ஓய்வுக்கு பின்னர் அரை இறுதி ஆட்டம் நாளை ஆரம்பமாகவுள்ளது. சிட்னியில் புதன்கிழமை நடைபெறும் முதல் அரை இறுதி போட்டியில் குரூப் 1 பிரிவில் முதல் இடத்தை பிடித்த நியூசிலாந்து -குரூப் 2 பிரிவில் 2 ஆவது இடத்தை பிடித்த பாகிஸ்தான் அணிகள் மோதுகின்றன.

வில்லியம்சன் தலைமையிலான நியூசிலாந்து அணி பாகிஸ்தானை வீழ்த்தி 2 ஆவது முறையாக இறுதிப் போட்டிக்கு தகுதி பெறும் ஆர்வத்தில் உள்ளது. பாபர்அசாம் தலைமையிலான பாகிஸ்தான் அணி 3 ஆவது தடவையாக இறுதிப் போட்டிக்குள் நுழையும் வேட்கையில் உள்ளது. 

இருக்கிறது. அந்த அணி இதற்கு முன்பு 2007, 2009-ம் ஆண்டுகளில் இறுதிப் போட்டிக்குள் நுழைந்து இருந்தது. இதில் 2009-ல் இலங்கையை வீழ்த்தி கோப்பையை கைப்பற்றியது. 2007-ல் இந்தியாவிடம் தோற்று இருந்தது.

இரு அணிகளுக்கும் இடையே கடைசியாக கடந்த மாதம் 14 ஆம் திகதி நடந்த போட்டியில் பாகிஸ்தான் 5 விக்கெட் வித்தியாசத்தில் வெற்றி பெற்று இருந்தது.

இறுதிப் போட்டிக்குள் நுழைய நியூசிலாந்து, பாகிஸ்தான் அணிகள் கடுமையாக போராடும் என்பதால் நாளைய அரை இறுதி ஆட்டம் மிகவும் விறுவிறுப்பாக இருக்கும் என்று எதிர்பார்க்கப்படுகிறது.