பொதுமக்களின் தாக்குதலுக்கு இலக்கான பொலிஸ் சார்ஜன்ட் மரணம்! பிக்கு உட்பட 3 பேர் கைது, தீவிர கைது வேட்டை தொடர்கிறதாம்..

வீதியை மறித்து போராட்டம் நடத்திய பொதுமக்களின் தாக்குதலுக்கு இலக்கான பொலிஸ் சார்ஜன்ட் ஒருவர் உயிரிழந்துள்ளார். 

அனுராதரபும் - கெப்பிட்டிக்கொலாவ பகுதியில் யானை தாக்கி பெண் ஒருவர் உயிரிழந்த சம்பவத்தை தொடர்ந்து குறித்த பகுதியில் மக்கள் வீதி மறியல் போராட்டம் நடத்தினர்.

இதன்போது நிலைமையை கட்டுக்குள் கொண்டுவருவதற்காக சம்பவ இடத்திற்கு சென்ற பொலிஸாருக்கும் பொதுமக்களுக்குமிடையில் மோதல் உருவானது. 

இந்த சம்பத்தில் 54 வயதான பொலிஸ் சார்ஜன்ட் தாக்குதலுக்கு இலக்காகி அனுராதபுரம் வைத்தியசாலையில் அனுமதிக்கப்பட்ட நிலையில் உயிரிழந்துள்ளார். 

பின்னர் பொலிஸார் வானத்தை நோக்கி துப்பாக்கி சூடுகளை நடாத்தி நிலைமையை கட்டுக்குள் கொண்டுவந்தனர். 

இந்நிலையில் பொலிஸ் சார்ஜன்ட் மீதான தாக்குதல் சம்பவத்துடன் தொடர்புடைய சந்தேகத்தில் பௌத்த பிக்கு ஒருவர் உட்பட 3 பேர் கைது செய்யப்பட்டுள்ளனர்.