வேக கட்டுப்பாட்டை இழந்து விபத்துக்குள்ளான இராணுவ வாகனம்! இராணுவ விசேட அதிரடிப்படை அதிகாரி பலி, மேலும் 3 பேர் படுகாயம்..

வேக கட்டுப்பாட்டை இழந்த இராணுவ வாகனம் மரத்துடன் மோதி விபத்துக்குள்ளான சம்பவத்தில் கப்டன் தர அதிகாரி ஒருவர் உயிரிழந்துள்ள நிலையில் மேலும் 3 பேர் படுகாயமடைந்துள்ளனர். 

குறித்த சம்பவம் வெலிக்கந்த பகுதியில் நேற்று இடம்பெற்றுள்ளது. இலங்கை இராணுவத்தின் 8806 இலக்கம் கொண்ட டிஃபென்டர் ரக ஜீப் கட்டுப்பாட்டை இழந்து முத்துவெல்ல பகுதியில் உள்ள மரத்தில் மோதி விபத்துக்குள்ளானதாக பொலிஸார் தெரிவித்தனர்.

உயிரிழந்தவர் இராணுவத்தின் விசேட அதிரடிப் படையைச் சேர்ந்த கப்டன் தேவிந்தா வுட்வார்ட் என அடையாளம் காணப்பட்டுள்ளார்.