ஐ.பி.எல் மெகா ஏலம்!! -டிசெம்பர் 16 அன்று பெங்களூரில்-

16 ஆவது ஐ.பி.எல் ரி-20 கிரிக்கெட் போட்டி அடுத்த ஆண்டு மார்ச் கடைசி வாரம் ஆரம்பமாகின்றது என்று இந்திய கிரிக்கெட் கட்டுப்பாட்டு வாரியம் (பி.சி.சி.ஐ.) ஏற்கனவே அறிவித்து இருந்தது.

இந்த நிலையில் ஐ.பி.எல் போட்டிக்கான வீரர்கள் ஏலம் டிசெம்பர் 16 ஆம் திகதி பெங்களூருவில் நடைபெறும் என்று கிரிக்கெட் வாரிய வட்டாரங்கள் தெரிவித்ததாக தகவல் வெளியாகி உள்ளது.

ஒவ்வொரு அணியும் வீரர்களுக்கு ஒதுக்கும் தொகை 90 கோடி ரூபாயில் இருந்து 95 கோடி ரூபாவாக உயர்த்தப்பட்டுள்ளது. கடந்த முறையை விட 5 கோடி ரூபாவாக அதிகரிக்கப்பட்டு உள்ளது.

பெரும்பாலான ஐ.பி.எல். உரிமையாளர்கள் 15 முக்கிய வீரர்களை தக்கவைத்துக் கொண்டு எஞ்சிய வீரர்களை ஏலத்தில் விடுவார்கள் என்று எதிர்பார்க்கப்படுகிறது.