உலகக்கிண்ணத் தொடரில் விளையாடும் வாய்ப்பை இழந்த டில்ஷான் மதுஷங்க!!

இலங்கை அணியின் இடது கை வேகப்பந்து வீச்சாளர் டில்ஷான் மதுஷங்க, ரி-20 உலகக் கிண்ணத் தொடரிலிருந்து முழுமையாக நீக்கப்பட்டுள்ளார். 

நேற்று முன்தினம் பயிற்சி போட்டியில் ஈடுபட்டிருந்தபோது அவர் உபாதைக்கு உள்ளாகியிருந்தார். இதனையடுத்து, பரிசோதனைக்கு உட்பட்டபோது, கடும் உபாதைக்கு உள்ளானமை உறுதியானது.

அண்மையில் ஆசியக் கிண்ண தொடரில் அறிமுகமான மதுஷங்க, சிறந்த பந்துவீச்சு பெறுதியை பெற்றிருந்தார். இந்நிலையில் உபாதைக்கு உள்ளாகியுள்ள மதுஷங்கவிற்கு பதிலாக மற்றொரு இடது கை வேகப்பந்து வீச்சாளரான பினுர பெர்னாண்டோ அணியில் விளையாடவுள்ளார்.