ஜி.பி முத்துவின் கேள்வியால் திகைத்த கமல்!! -முதல் நாளிலேயே பிக்பாஸில் நடந்த சம்பவம்-

பிக்பாஸ் நிகழ்ச்சியில் கமல்ஹாசன் மற்றும் ஜி.பி.முத்து உரையாடும் விடியோ ஒன்று தற்போது சமூக வலைதளங்களில் வைரலாகி வருகிறது. 

இந்த நிகழ்ச்சியில் ஜி.பி. முத்து முதல் ஆளாக பிக்பாஸ் வீட்டிற்குள் நுழைந்தார். அப்போது அவர், வீட்டில் யாருமே இல்லை, எனக்கு பயமாக இருக்கிறது என கமலிடம் வருத்தம் தெரிவித்தார். 

அவருக்கு ஆறுதல் தெரிவிக்கும்விதமாக பேசிய கமல், ஆதாமுக்கும் ஏவாலுக்கும் எப்படி இருந்திருக்கும் என கேள்வி எழுப்பினார். ஆதாமா அவர் யார் என்பது போல ஜி.பி.முத்து திருதிருவென முழித்தார். அவருக்கு என்ன பதில் சொல்வது என தெரியாமல் நடிகர் கமல் திகைத்தார். இந்த விடியோ சமூக வலைதளங்களில் வைரலாகி வருகிறது. 

தூத்துக்குடி மாவட்டம் உடன்குடியைச் சேர்ந்தவரான ஜி.பி.முத்து டிக் டாக் மூலம் ரசிகர்களிடையே பிரபலமானார். பின்பு தனது யூடியூப் பக்கத்தில் தூத்துக்குடி வட்டார மொழியில் அவர் பேசுவது ரசிகர்களை பெரிதும் கவர்ந்தது. இதனால் ஜி.பி.முத்து குறுகிய காலத்தில் சமூக வலைதளங்களில் பிரபலமானார். தற்போது திரைப்படங்களிலும் நடித்துவருகிறார் என்பது குறிப்பிடத்தக்கது.