விமானத்தை தவறவிட்ட மேற்கிந்தியதீவுகள் அணியின் அதிரடி வீரர்!! -ரி-20 உலகக்கோப்பையிலிருந்து நீக்கம்-

மேற்கிந்தியதீவுகள் கிரிக்கெட் அணியின் அதிரடி வீரர் அவுஸ்திரேலியாவுக்கு செல்லும் விமானத்தை தவறவிட்டதால், ரி-20 உலகக்கோப்பை தொடரிலிருந்து நீக்கப்பட்டுள்ளார்.

ரி-20 உலகக்கோப்பை தொடர் எதிர்வரும் 16 ஆம் திகதி அவுஸ்திரேலியாவில் ஆரம்பமாகவுள்ளது. இதற்கான வீரர்களை, போட்டியில் பங்குபெறும் நாடுகள் அறிவித்துள்ளதோடு, போட்டிகளில் விளையாடுவதற்காக அவுஸ்திரேலியாவுக்கு செல்ல தயாராகி வருகிறது.

இந்த நிலையில், மேற்கிந்தியதீவுகள் கிரிக்கெட் அணியில் அதிரடி ஆட்டக்காரர் ஷிம்ரன் ஹெட்மயர் ரி-20 உலகக்கோப்பைக்கான் அணியில் இடம்பெற்றிருந்த நிலையில், போட்டியில் பங்கேற்க அவுஸ்திரேலியாவுக்கு செல்லக்கூடிய விமானத்தை தவறவிட்டார். இதன் காரணமாக் அவர் அணியில் இருந்து நீக்கப்பட்டுள்ளதாக மேற்கிந்தியதீவுகள் கிரிக்கெட் வாரியம் அறிவித்து உள்ளது.