ரி-20 உலகக்கிண்ணத் தொடரிலிருந்து பும்ரா விலகல்!!

உலகக் கிண்ண இருபதுக்கு இருபது கிரிக்கெட் தொடரில் இருந்து இந்திய அணியின் வேகபந்து வீச்சாளர் ஜஸ்ப்ரிட் பும்ரா காயம் காரணமாக விலகியுள்ளார்.

இந்திய கிரிக்கெட் கட்டுப்பாட்டுச் சபை உத்தியோகபூர்வமாக மேற்படி அறிவிப்பை வெளியிட்டுள்ளது. காயம் காரணமாக ஆசிய கிண்ணம், அவுஸ்திரேலிய மற்றும் தென்னாபிரிக்கா அணிகளுக்கு எதிரான தொடர் ஆகியவற்றில் இருந்து அவர் விலகியிருந்தார்.

இந்தநிலையில், உலக கிண்ண இருபதுக்கு இருபது கிண்ண தொடருக்காக அவர் அணியில் இணைந்துக் கொள்வார் என எதிர்பார்க்கப்பட்டது. எனினும், காயம் காரணமாக மேலும் அவருக்கு சுமார் ஆறுவாரங்கள் ஓய்வுத் தேவை என வைத்தியர்கள் பரிந்துரைத்துள்ளதாக இந்திய கிரிக்கெட் கட்டுப்பாட்டு சபை தெரிவித்துள்ளது.

அவருக்கான மாற்று வீரர் தொடர்பில் விரைவில் அறிவிக்கப்படும் எனவும் அந்த சபை குறிப்பிட்டுள்ளது. அவருக்கான மாற்று வீரர் தொடர்பில் விரைவில் அறிவிக்கப்படும் எனவும் அந்த சபை குறிப்பிட்டுள்ளது.