ரஸ்ய படையின் பிடியிலிருந்து மீட்கப்பட்ட பகுதியில் பாரிய மனித புதைகுழி!!

ரஸ்யாவின் பிடியில் இருந்து அண்மையில் மீட்கப்பட்ட இசியும் பகுதியில் பாரிய மனித புதைகுழிகள் காணப்படுவதாகவும், அங்கு சுமார் 440 உடல்கள் புதைக்கப்பட்டுள்ளதாகவும் தகவல்கள் வெளியாகியுள்ளன.

மரங்களிற்கு இடையே நூற்றிற்கு மேற்பட்ட மனித புதைகுழிகள் மரத்திலான சிலுவைகளுடன் காணப்பட்டுள்ளன. அனேகமான மனித புதைகுழிகளில் இலக்கங்கள் மாத்திரம் காணப்படுகின்றன.

பாரிய மனித புதைகுழியொன்றின் மீது 17 உக்ரைன் படையினரின் உடல்கள் என தெரிவிக்கும் அடையாளம் காணப்படுகின்றது. குறிப்பிட்ட பகுதியில் வெடிபொருட்கள் உள்ளனவா என மெட்டல் டிடெக்டர்களை பயன்படுத்தி விசாரணையாளர்கள் ஆராய்ந்து வருகின்றனர்.

தனிப்பட்ட புதைகுழிகளிற்குள் பெருமளவு ஆண்கள் பெண்கள் சிறுவர்களின் உடல்கள் காணப்படலாம் என இசியுமின் மக்கள் தெரிவித்துள்ளனர். இவர்கள் தொடமாடியொன்றின் மீது ரஸ்யா மேற்கொண்ட விமானதாக்குதலில் கொல்லப்பட்டவர்கள் என பொதுமக்கள் தெரிவித்துள்ளனர்.