பொலிஸ் தினத்தை முன்னிட்ட மென்பந்து துடுப்பாட்ட போட்டி!! -ஊர்காவற்றுறை பொலிஸ் அணி சம்பியன்-

156 ஆவது பொலிஸ் தினத்தை முன்னிட்டு ஊர்காவற்றுறை பொலிஸ் பிரிவுக்குட்பட்ட  நெடுந்தீவு, ஊர்காவற்றுறை, வட்டுக்கோட்டை, காரைநகர் ஆகிய பொலிஸ் நிலையங்களுக்கிடையே இடம்பெற்ற மென்பந்து துடுப்பாட்டப் சுற்றுப்போட்டியில்   ஊர்காவற்றுறை பொலிஸ் நிலைய அணி சம்பியனானது.

இறுதிப் போட்டியில் வட்டுக்கோட்டை பொலிஸ் நிலைய அணியும் ஊர்காவற்றுறை பொலிஸ் நிலைய அணியும் மோதியது.

நாணயச் சுழற்சியில் வெற்றிபெற்ற  வட்டுக்கோட்டை பொலிஸ் நிலைய அணி முதலில் துடுப்பெடுத்தாடியது. அவ் அணி நிர்ணயிக்கப்பட்ட 6 ஓவர்களில் 52 ஓட்டங்களை பெற்றது.

53 ஓட்டங்கள் எடுத்தால் வெற்றி என்ற இலக்கு நோக்கி துடுப்பெடுத்தாடிய ஊர்காவற்றுறை பொலிஸ் நிலைய அணி 5 ஓவர்களில் 53 ஓட்டங்களை பெற்று சம்பியனானது.

இறுதிப்போட்டியில் நாயகனாகவும் தொடரின் சிறபாட்ட நாயகனாகவும் ஊர்காவற்றுறை பொலிஸ் நிலைய அணி வீரர் நிசாந்தநாத் தெரிவு செய்யப்பட்டார்.