யுவராஜ் சிங் சாதனையை தகர்த்த ஹர்த்திக் பாண்ட்யா!!

ஆசிய கோப்பை கிரிக்கெட் போட்டியில் இந்தியாவும் பாகிஸ்தானும் நேற்று மோதின. இப் போட்டியில் இந்தியா அணி வெற்றி பெற்றது. இந்த போட்டியில் சிறப்பான ஆட்டத்தை வெளிப்படுத்திய ஹர்த்திக் பாண்ட்யா ஆட்ட நாயகன் விருதை தட்டிச் சென்றார். இந்த போட்டியில் ஹர்த்திக் பாண்ட்யா பந்து வீச்சில் 3 விக்கெட்டுகளையும் பேட்டிங்கில் 33 ஓட்டங்களையும் எடுத்திருந்தார்.

இதன் மூலம் ஹர்த்திக் பாண்ட்யா ஒரு போட்டியில் 30ற்க்கு அதிகமான ஓட்டங்கள் மற்றும் 3 விக்கெட்களை எடுத்த இந்திய வீரர் என்ற யுவராஜ் சிங்கின் சாதனையை ஹர்த்திக் பாண்ட்யா தகர்த்துள்ளார்.

ஹர்திக் பாண்டியா மூன்று முறையும், யுவராஜ் 2 முறையும் 30ற்க்கு அதிகமான ஓட்டங்கள் மற்றும் 3 விக்கெட்களை எடுத்துள்ளனர்.

மேலும் சர்வதேச ரி-20 கிரிக்கெட்டில் கடைசி கட்ட ஓவர்களில் (16 - 20) அதிக சிக்சர்களை அடித்த இந்திய வீரர் என்ற டோனியின் சாதனையையும் இவர் சமன் செய்துள்ளார்.

அந்தப் பட்டியலில் ஹர்திக் பாண்டியா (34) இந்திய அணியின் முன்னாள் தலைவர் எம்.எஸ் டோனி (34) இவர்களுக்கு அடுத்தப்படியாக யுவராஜ் சிங் (31) உள்ளமை குறிப்பிடத்தக்கது.