7 வேவ்வேறு கதாபாத்திரங்களில் சர்ப்ரைஸ் தரும் விக்ரம்!! - வெளியானது 'கோப்ரா' ட்ரெய்லர்-

இயக்குநர் அஜய் ஞானமுத்து இயக்கத்தில் விக்ரம் நாயகனாக நடித்திருக்கும்  'கோப்ரா' படத்தின் ட்ரெய்லர் வெளியாகி ரசிகர்களை பெரிதும் கவர்ந்துள்ளது. 

செவன் ஸ்கிரீன் ஸ்டூடியோ பட நிறுவனம் சார்பில் தயாரிப்பாளர் எஸ்.லலித்குமார் தயாரித்திருக்கும் இந்த திரைப்படம் எதிர்வரும் 31 ஆம் திகதி புதன்கிழமை முதல் வெளியாகிறது. தமிழகமெங்கும் ரெட் ஜெயண்ட் மூவிஸ் நிறுவனம் வெளியிடுகிறது.

இப்படத்தில் இயக்குநர் கே. எஸ். ரவிக்குமார், ஆனந்த்ராஜ், ரோபோ சங்கர், நடிகை ஸ்ரீநிதி ஷெட்டி, மீனாட்சி கோவிந்தராஜன், மிருணாளினி ரவி, நடிகர் ரோஷன் மேத்யூ, கிரிக்கெட் வீரர் இர்பான் பதான், ஆகியோர் முக்கிய பாத்திரங்களில் நடித்துள்ளனர். ஏ.ஆர்.ரஹ்மான் இசையமைத்துள்ள இப்படத்தின் ட்ரெய்லர் தற்போது வெளியாகியுள்ளது.

7 வௌ;வேறு கதாபாத்திரங்களில் ட்ரெய்லரிலேயே சர்ப்ரைஸ் தருகிறார் விக்ரம். இந்த சர்ப்ரைஸுடன் பார்க்க ஆரம்பத்தில் கணிதத்துடன் தொடர்புடைய கதையை களமாக இயக்குநர் அஜய் ஞானமுத்து மாற்றிருப்பதை உணர முடிகிறது. பாம்பு வகையான கோப்ராவை டைட்டிலில் சேர்த்ததற்கான நியாயம் படத்தில் இருப்பதை ட்ரெய்லரில் உணர்த்துகிறது.

இறுதியில் 'நான் ஒரு சாதாரண மேத்ஸ் வாத்தியார்' என்ற டையலாக், அந்நியன் படத்தின் அம்பி டையலாக்கை நினைவுப்படுத்துகிறது. புதிய கெட்டப்கள், வெளிநாடு ஷூட்டிங், கணிதம், உளவியல் என நகரும் ட்ரெய்லர் நடிகர் விக்ரமும் ஏற்றத்தை கொடுக்குமா என்பதை இம்மாதம் 31 ஆம் திகதி தான் உறுதிபடுத்த முடியும்.