பெண் பொலிஸ் உத்தியோகஸ்த்தருக்கு பாலியல் தொல்லை..! பொலிஸ் சாரதி கைது..

பெண் பொலிஸ் உத்தியோகஸ்த்தருக்கு பாலியல் தொல்லை கொடுத்த குற்றச்சாட்டில் பொலஸ் சாரதி ஒருவர் கைது செய்யப்பட்டு விளக்கமறியலில் வைக்கப்பட்டிருக்கின்றார். 

குறித்த சம்பவம் மட்டக்களப்பு - கொக்குவில் பொலிஸ் நிலையத்தில் இடம்பெற்றுள்ளது. குறித்த பொலிஸ் நிலையத்தில் பெண்கள் பிரிவில் கடமைற்றிவரும் குறித்த பெண் உத்தியோத்தர் மீது 

சம்பவதினமான நேற்றுமுன்தினம் (06) பிற்பகல் சாரதியாக கடமையாற்றும் பொலிஸ் உத்தியோகத்தர் பொலிஸ் நிலையத்தில் வைத்து கையைப்பிடித்து பாலியல் தொல்லை கொடுத்ததாக குற்றஞ்சாட்டி பொலிஸ் நிலைய பொறுப்பதிகாரியிடம் முறையிட்டுள்ளார்.

இது தொடர்பாக சிரேஷ்ட பொலிஸ் அத்தியட்சகரின் கவனத்துக்கு பொலிஸ் நிலைய பொறுப்பதிகாரி கொண்டு வந்ததையடுத்து உடனடியாக குறித்த பொலிஸ் உத்தியோகத்தரை பணியில் இருந்து இடைநிறுத்தியதுடன் 

அவரை கைது செய்து நீதிமன்றில் ஆஜர்படுத்துமாறு சிரேஷ்ட பொலிஸ் அத்தியட்சகர் ஆலோசனை வழங்கியதையடுத்து குறித்த பொலிஸ் உத்தியோகத்தரை கைது செய்தனர்.

கைது செய்யப்பட்டவர் மட்டக்களப்பு நீதவான் நீதிமன்ற நீதவான் பீற்றர் போல் முன்னிலையில் ஆஜர்படுத்தப்பட்டபோது அவரை எதிர்வரும் 20ம் திகதிவரை விளக்கமறியலில் வைக்குமாறு நீதவான் உத்தரவிட்டார்.