எரிபொருள் நிரப்பு நிலையத்திற்கு அருகிலுள்ள கட்டிடத்தில் பதுக்கல்..! பொலிஸ் சுற்றிவளைப்பில் ஒருவர் சிக்கினார், பெருமளவு எரிபொருள் மீட்பு..

எரிபொருள் நிரப்பு நிலையத்திற்கு அருகிலேயே பதுக்கி வைக்கப்பட்டிருந்த சுமார் 550 லீற்றர் டீசல் மற்றும் 258 லீற்றர் மண்ணெண்ணெய் ஆகியன பொலிஸாரினால் மீட்கப்பட்டிருக்கின்றது. 

குறித்த சம்பவம் மட்டக்களப்பு சந்திவெளி மாவடிவேம்பு பகுதியில் இடம்பெற்றிருக்கின்றது. இந்த சம்பவத்துடன் தொடர்புடைய ஒருவரை  பொலிஸார் கைது செய்துள்ளனர்.

குற்ற விசாரணைப் பிரிவு கிடைத்த தகவல் ஒன்றினை அடுத்து சிரேஸ்ட பொலிஸ் அத்தியட்சகர் சுகத் மாசிங்கவின் ஆலோசனைக்கமைய குற்ற விசாரணைப் பிரிவு பொறுப்பதிகாரி பி.எஸ்.பி. பண்டார தலைமையில்,

பொலிஸார் சம்பவதினமான நேற்று மாலை 04.00 மணிக்கு குறித்த பிரதேசத்தில் உள்ள எரிபொருள் நிரப்பு நிலையத்துக்கு அருகிலுள்ள கட்டிடத்தை முற்றுகையிட்டனர்.

இதன்போது பெரல்களில் நிரப்பி வைக்கப்பட்டிருந்த 550 லீற்றர் டீசல், 258 லீற்றர் மண்ணெணையை மீட்டதுடன் ஒருவரை கைது செய்து சந்திவெளி பொலிஸாரிடம் ஒப்படைத்துள்ளதாகவும் 

இதில் கைது செய்யப்பட்டவரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளது.