அதிகாலையில் கடற்படையினர் நடாத்திய சுற்றிவளைப்பு 54 பேர் கைது..!
மட்டக்களப்பு - பாலமீன்மடு கடற்கரையில் இன்று அதிகாலை கடற்படையினர் நடாத்திய விசேட சுற்றிவளைப்பு தேடுதலில் 54 பேர் கைது செய்யப்பட்டுள்ளதாக கிழக்கு கடற்படையினர் கூறியுள்ளனர்.
அவுஸ்திரேலியாவுக்கு சட்டவிரோதமாக செல்ல முற்பட்டவேளையிலேயே குறித்த 54 பேரும் கைது செய்யப்பட்டுள்ளனர்.
கைதுசெய்யப்பட்டவர்களை திருகோணமலை - துறைமுகத்திற்கு அழைத்துவருவதற்கு நடவடிக்கை எடுக்கப்பட்டுள்ளதாக கடற்படையினர் தெரிவித்தனர்.
நாட்டில் ஏற்பட்டுள்ள பொருளாதார நெருக்கடி காரணமாக அண்மைக்காலமாக சட்டவிரோதமாக நாட்டை விட்டு தப்பிச் செல்வோரின் எண்ணிக்கை அதிகரித்துள்ளமை குறிப்பிடத்தக்கது.
