அரியாலை கில்லாடிகள் 100 நடாத்தும் முதலாவது பருவகால தொடர்!! -இன்று கோலாகலமாக ஆரம்பம்-
அரியாலை கில்லாடிகள் 100 நடாத்தும் முதலாவது பருவகால தொடர் (ஏ.கே.எஸ்.எல்) இன்று சனிக்கிழமை காலை அரியாலை சரஸ்வதி சனசமூக நிலைய மைதானத்தில் கோலாகலமாக ஆரம்பமானது.
JZ தமிழின் ஊடக அனுசரணையுடன் நடைபெறும் இத் தொடரின் ஆரம்ப நிகழ்வில் விருந்தினர்களாக கலந்து கொண்ட தமிழ் தேசியக் கூட்டமைப்பின் பாராளுமன்ற உறுப்பினர் ஜனாதிபதி சட்டத்தரணி எம்.ஏ.சுமந்திரன், யாழ்.மாநகர முதல்வர் வி.மணிவண்ணன், வடக்கு மாகாண சபையின் முன்னாள் உறுப்பினர் எ.ஸ்.சுகிர்தன், நல்லூர் பிரதேச சபை தவிசாளர் ப.மயூரன், உள்ளிட்ட ஏனைய விருந்திரனர்கள் மங்கள வாத்தியங்களுடன் மைதானத்திற்கு அழைத்து வரப்பட்டனர்.
மைதானத்திற்கு வருகை தந்த விருந்தினர்கள் அரியாலை கில்லாடிகள் 100 நடாத்தும் முதலாவது பருவகால தொடரில் விளையாடும் வீரர்களுக்கு வாழ்த்து தெரிவித்ததுடன், போட்டிகளையும் ஆரம்பித்து வைத்தினர்.
