விஜய் டி.வி ராமர் யார் தெரியுமா? -வெளியான புகைப்படத்தால் அதிர்ச்சியில் ரசிகர்கள்-

விஜய் தொலைக்காட்சியில் ஒலிபரப்பாகும் 'கலக்கப்போவது யாரு' நிகழ்ச்சியின் மூலம் நகைச்சுவை கலைஞராக நுழைந்த ராமர் அதன் பின் அத் தொலைக்காட்சியின் வேவ்வேறு பல்வேறு ரியாலிட்டி ஷோக்களில் நகைச்சுவையில் அசத்தி ரசிகர்களை மகிழ்வித்து வருகிறார். 

ராமருக்கு கிருஷ்ணவேனி என்பவருடன் திருமணமாகி 3 குழந்தைகள் உள்ளனர். அவரின் சொந்த ஊர் மதுரை பக்கத்தில் இருக்கும் மேலூர். இதைத்தவிர ராமர் பற்றிய வேறு எந்த தகவலும் ரசிகர்களுக்கு பெரிதாக தெரியாது. இந்நிலையில், ராமர் ஒரு அரச அதிகாரி என்ற தகவல் தற்போது வெளியாகியுள்ளது.

மதுரை எம்.பி வெங்கடேசன், ராமருடன் எடுத்துக்கொண்ட புகைப்படத்தை வெளியிட்டு, 'கொட்டாம்பட்டி ஒன்றிய கிராம ஊராட்சிகளில் நடைபெறும் ஆய்வின் போது 18 சுக்காம்பட்டி கிராமத்தில் கிராம நிர்வாக அலுவலராக பணியாற்றும் சின்னத்திரை கலைஞர் விஜய் தொலைக்காட்சி புகழ் ராமர் அவர்களை சந்தித்தேன்' என்று குறிப்பிட்டுள்ளார். 

ராமரை இத்தனை நாள் வரை தொலைக்காட்சி நகைச்சுவை நடிகர் மட்டுமே நினைத்து வந்த ரசிகர்களுக்கு அவர் பொறுப்புமிக்க ஒரு அரசு அதிகாரி என்ற தகவல் இன்ப அதிர்ச்சியை கொடுத்துள்ளது.