பட்லருக்கு 4 விருதுகள்!!

ஐ.பி.எல் ரி-20 கிரிக்கெட் தொடரில் ராஜஸ்தான் ராயல்ஸ் அணியைச் சேர்ந்த அதிரடி துடுப்பாட்ட வீரராக ஜோஸ்பட்லருக்கு 4 விருதுகள் வழங்கப்பட்டுள்ளது. 

15 ஆவது ஐ.பி.எல் ரி-20 கிரிக்கெட் போட்டித் தொடரில் குஜராத் டைட்டன்ஸ் அணி சாம்பியன் பட்டம் வென்றது. கோப்பை வென்ற குஜராத் அணிக்கு 20½ கோடி ரூபா பரிசுத் தொகை வழங்கப்பட்டது.

இறுதிப் போட்டியில் தோல்வி அடைந்த ராஜஸ்தான் ராயல்ஸ் அணிக்கு 12½ ரூபா கோடி வழங்கப்பட்டது. 3 ஆம் இடம் பெற்ற பெங்களுரு அணிக்கு 7 கோடி ரூபா, 4 ஆவது இடத்தை பிடித்த லக்னோ அணிக்கு 6.5 கோடி ரூபா வழங்கப்பட்டது.

இத்தொடரில் ராஜஸ்தானின் ஜோஸ்பட்லருக்கு அதிக ஓட்டங்கள் (863) குவித்ததற்காக 10 இலட்சமும், அதிக சிக்சர் (45) அடித்ததற்காக 10 இலட்சமும், ஆட்டத்தை மாற்றுபவர் விருதுக்காக 10 இலட்சமும் வழங்கப்பட்டது. மேலும் தொடர் நாயகன் விருதையும் ஜோஸ் பட்லர் கைப்பற்றினார்.