ஜோஸ் பட்லரை எனது 2 ஆவது கணவர்!! -ராஜஸ்தான் அணியின் சகவீரரின் மனைவி தெரிவிப்பு-

நடப்பு ஐ.பி.எல் ரி-20 கிரிக்கெட் தொடரில் ராஜஸ்தான் ராயல்ஸ் அணிக்காக ஜோஸ் பட்லர் தனி ஒருவராக அதிரடி காட்டி வருகின்றார். பட்லர் 16 போட்டிகளில் விளையாடி 824 ஓட்டங்களை பெற்று முதல் இடத்தில் உள்ளார். இதில் 4 சந்தங்கள் அடங்கும். (அவருக்கு இன்னும் ஒரு இன்னிங்ஸ் மீதமுள்ளது) 

ஐ.பி.எல். கிரிக்கெட் தொடரில் நேற்று வெள்ளிக்கிழமை நடைபெற்ற 2 ஆவது தகுதி சுற்றில் பெங்களூரு அணியை வீழ்த்தி ராஜஸ்தான் இறுதி போட்டிக்கு தகுதி பெற்றுள்ளது. 

பட்லர் இந்த போட்டியிலும் 59 பந்துகளில் சதம் அடித்து அசத்தினார். நடப்பு ஐ.பி.எல் தொடரில் ஜாஸ் பட்லர் அடிக்கும் 4 ஆவது சதம் இதுவாகும். 60 பந்துகளில் 106 ரன்கள் அடித்த பட்லர் இறுதிவரை ஆட்டமிழக்கவில்லை. 

இந்த போட்டியில் சதம் அடித்ததன் மூலம் ஒரு ஐ.பி.எல் சீசனில் அதிக சதம் அடித்தவர்களுக்கான சாதனை பட்டியலில் கோலியுடன் பட்லர் முதல் இடத்தை பகிர்ந்து கொண்டுள்ளார். 

ராஜஸ்தான் ராயல்ஸ் போட்காஸ்டில் பேசிய லாரா ஜோஸ் பட்லரை தனது இரண்டாவது கணவராக ஏற்றுக்கொண்டதாக கேலி செய்தார். பட்லரின் மனைவி மற்றும் குழந்தைகள் கடந்த வாரம் ஐபிஎல்லின் பயோ-பப்பில் அவருடன் இணைந்தனர்.