கட்டுப்பாடற்ற வேகம், கம்பத்துடன் மோட்டார் சைக்கிள் மோதி கோர விபத்து..! இருவர் பலி, ஓருவர் ஆபத்தான நிலையில்..

கட்டுப்பாட்டை இழந்த மோட்டார் சைக்கிள் வீதி அருகில் இருந்த கம்பத்துடன் மோதி விபத்துக்குள்ளானதில் இருவர் உயிரிழந்துள்ளதுடன், மேலும் ஒருவர் படுகாயமடைந்து ஆபத்தான நிலையில் வைத்தியசாலையில் அனுமதிக்கப்பட்டுள்ளார். 

குறித்த விபத்து அம்பாறை - பனங்காடு பிரதேசத்தில் நேற்று இரவு இடம்பெற்றிருக்கின்றது. பனங்காடு பாலத்தின் அருகே இடம்பெற்ற விபத்தின்போதே இத்துயரச்சம்பவம் பதிவாகியுள்ளது.

விபத்தில் விநாயகபுரத்தை சேர்ந்த இருவர் பலியானதுடன் பனங்காடு பிரதேசத்தை சேர்ந்த இளம் குடும்பஸ்தர் வைத்தியசாலையில் அனுமதிக்கப்பட்டுள்ளார். வேகத்தை கட்டுப்படுத்த முடியாத நிலையில் வீதியின் அருகே இருந்த தூண் ஒன்றில் மோதி கோரவிபத்து இடம்பெற்றுள்ளது.

விபத்து தொடர்பான விசாரணையை அக்கரைப்பற்று காவல்துறையினர் மேற்கொண்டு வருகின்றனர்.