பற்றி எரிகிறது கொழும்பு, நள்ளிரவு தாண்டியும் தொடரும் பிரளயம்..! மின்சாரம் துண்டிப்பு, இராணுவ வாகனம் தீக்கிரை, துப்பாக்கி சூடு, 10 பேருக்கும் மேல் காயம்...

ஜனாதிபதி கோட்டபாய ராஜபக்ஸவின் வீட்டினை முற்றுகையிட்டு நள்ளிரவு தாண்டியும் பாரிய மக்கள் எதிர்ப்பு பிரளயம் நடைபெற்றுக் கொண்டிருக்கின்றது. 

பெருமளவில் இராணுவம், பொலிஸ், அதிரடிப்படை குவிக்கப்பட்டுள்ளதுடன், மின்சாரம் துண்டிக்கப்பட்டு போராட்டக்காரர்கள் மீது தாக்குதல் நடத்தப்பட்டுள்ளது. 

எனினும் பொதுமக்கள் தொடர்ச்சியாக போராட்டம் நடத்திவருவதுடன், கொழும்பை சுற்றியுள்ள புறநகர் பகுதிகளிலும் பதற்றமான சூழல் உருவாகியுள்ளது. 

இதேவேளை இராணுவத்தினரின் பேருந்து ஒன்றை போராட்டக்காரர்கள் தீயிட்டுக் கொழுத்தியுள்ளதுடன் கலகம் தடுக்கும் வாகனம் மீதும் தாக்குதல் நடத்தப்பட்டுள்ளது. 

போராட்டக்காரர்கள் மீது தொடர்ச்சியாக கண்ணீர் கண்டு பிரயோகம் மேற்கொள்ளப்படுவதாகவும் நள்ளிரவு தாண்டிய நிலையில் 

சுமார் 10 பேர் காயமடைந்துள்ளதாகவும் கொழும்பு தகவல்கள் தொிவிக்கின்றன.