ஆண்ட்ரியாவுக்கு கோல்டன் விசா!! -வழங்கியது ஐக்கிய அரபு அமீரகம்-

தமிழ் சினிமாத் துறையில் பிரபல பாடகியும், நடிகையுமாக வலம்வரும் ஆண்ட்ரியாவுக்கு ஐக்கிய அரபு அமீரகம் கோல்டன் விசா வழங்கி கௌரவித்துள்ளது.

ஐக்கிய அமீரக அரசின் கலாசாரம் மற்றும் சுற்றுலாத்துறை இந்திய நடிகர் நடிகைகளுக்கு கோல்டன் விசா வழங்கி வருகிறது. இந்த விசாவை பெற்றவர்கள் 10 வருடங்களுக்கு ஐக்கிய அமீரகத்தின் குடிமகன்களாக கருதப்படுவார்கள். 

தமிழ் நடிகர்கள் விஜய்சேதுபதி, பார்த்திபன், நடிகைகள் மீனா, திரிஷா ஆகியோருக்கும் கோல்டன் விசா வழங்கப்பட்டு உள்ளது. இந்த நிலையில் நடிகை ஆண்ட்ரியாவுக்கும் தற்போது கோல்டன் விசா வழங்கப்பட்டு உள்ளது. கோல்டன் விசா பெற்ற புகைப்படத்தை தனது இன்ஸ்டாகிராம் பக்கத்தில் ஆண்ட்ரியா பகிர்ந்துள்ளார்.