மிஸ்டர் ஸ்ரீ லங்கா ஆணழகன் போட்டி!! -விமானப்படையை சேர்ந்தவருக்கு தங்கப்பதக்கம்-

2021 ஆம் ஆண்டுக்கான மிஸ்டர் ஸ்ரீ லங்கா ஆணழகன் போட்டியில் இலங்கை விமானப்படையைச் சேர்ந்த கட்டுடல் ஆணழகு வீரர் தங்கப்பதக்கம் வென்று அசத்தியுள்ளார்.

இலங்கை உடற்கட்டமைப்பு மற்றும் உடற்தகுதி சம்மேளனத்தினால் ஏற்பாடு செய்யப்பட்ட 73 ஆவது மிஸ்டர் ஸ்ரீ லங்கா  கட்டுடல் ஆணழகன் போட்டிகள் 19 ஆம் திகதி சனிக்கிழமை வெலிசர நவலோக மைதானத்தில் நடைபெற்றது. 

2021 ஆம் ஆண்டுக்கான மிஸ்டர் ஸ்ரீ லங்கா ஆணழகன் போட்டியில் 85 கிலோ எடை பிரிவில் விமானப்படை சிரேஷ்ட விமானப்படை வீரர் சமிந்த  பீரிஸ் தங்கப்பதக்கம் வென்றார்.

அத்துடன் அதே பிரிவில் வெள்ளிப்பதக்கத்தினையும்  இலங்கை விமானப்படை வீரர் கோப்ரல் சமரசிங்கவும் 90 கிலோ பிரிவில் சிரேஷ்ட விமானப்படையைச் சேர்ந்த  விஜயசூரிய 6 ஆவது  இடத்தினை பெற்றார்.

இந்த போட்டித்தொடரில் முப்படை வீரர்கள் உட்பட 200 போட்டியாளர்கள் பங்குபற்றினர் என்பது குறிப்பிடத்தக்கது.