டெஸ்ட் தரவரிசையில் திமுத் கருணாரத்ன முன்னேற்றம்!!

இந்திய மற்றும் இலங்கை அணிகளுக்கு இடையிலான இறுதி போட்டியின் சதம் விளாசிய இலங்கை டெஸ்ட் அணித்தலைவர் திமுத் கருணாரத்ன ஐ.சி.சி டெஸ்ட் துடுப்பாட்ட வீரர்களுக்கான தரவரிசையில் 3 இடங்கள் முன்னேறியுள்ளார்.

அதன்படி, திமுத் கருணாரத்ன தற்போது டெஸ்ட் துடுப்பாட்ட வீரர்களுக்கான தரவரிசையில் 5 ஆவது இடத்தில் உள்ளார். டெஸ்ட் கிரிக்கெட் துடுப்பாட்ட தரவரிசையில் திமுத் கருணாரத்ன பெற்ற மிகச் சிறந்த இடம் இதுவாகும்.

முன்னதாக 6 ஆவது இடத்தில் இருந்த திமுத், பின் 8 ஆவது இடத்திற்கு தள்ளப்பட்டார். எனினும், இலங்கை மற்றும் இந்திய அணிகளுக்கிடையிலான இரண்டாவது டெஸ்டில் அவர் பெற்ற சதத்துடன், அவர் மூன்று இடங்கள் முன்னேறி 781 போனஸ் புள்ளிகளுடன் 5 ஆவது இடத்தைப் பிடித்தார்.