கபில் தேவின் 40 வருட சாதனையை முறியடித்த ரிஷப் பண்ட்!!

ரிஷப் பண்ட் ஐந்தாவது வீரராக மைதானத்தில் களமிறங்கி 28 பந்துகளில் 7 பவுண்டரி, 2 சிக்சர்களுடன் அரை சதம் அடித்து சாதனை படைத்தார்.

இந்தியா - இலங்கை அணிகளுக்கிடையிலான இரண்டாவது டெஸ்ட் கிரிக்கெட் போட்டி பெங்களூருவில் நடைபெற்று வருகிறது. முதல் இன்னிங்சில் இந்தியா 252 ஓட்டங்களும், இலங்கை 109 ஓட்டங்களையும் பெற்றது. இதையடுத்து இரண்டாவது இன்னிங்சை ஆடி வரும் இந்தியா வலுவான நிலையில் உள்ளது. 

அதிரடியாக ஆடிய விக்கெட் காப்பாளர் ரிஷப் பண்ட் அதிவேகமாக அரைசதம் கடந்தார். 28 பந்துகளில் 7 பவுண்டரி, 2 சிக்சர்களுடன் அரை சதம் அடித்து சாதனை படைத்தார். இதன்மூலம் கபில் தேவின் 40 ஆண்டு கால சாதனையை முறியடித்தார்.