ஹாலிவுட்டில் கால்பதிக்கும் ஆலியா பட்!!

பாலிவுட்டின் முன்னணி நடிகைகளில் ஒருவராக வலம்வரும் ஆலியா பட் தற்போது ஹாலிவுட் படத்தில் நடிக்கவுள்ளதாக தகவல்கள் வெளியாகியுள்ளன. 

ராஜமௌலி இயக்கத்தில் இவர் நடித்துள்ள 'ஆர்ஆர்ஆர்’ திரைப்படம் வரும் 25 ஆம் திகதி வெளியாகவுள்ளது. இந்நிலையில் அலியா பட் ஹாலிவுட் படத்தில் நடிக்கவுள்ளதாக அதிகாரபூர்வமாக அறிவிக்கப்பட்டுள்ளது. 

வொண்டர் வுமன் படத்தின் நாயகி கல் கடோட் மற்றும்ஜேமி டோர்னன் ஆகியோருடன் இணைந்து அலியா பட் நடிக்கவுள்ளார். நெட்பிளிக்ஸ் ஒரிஜினலாக உருவாகும் இப்படத்தை ஸ்கைடான்ஸ் நிறுவனம் தயாரிக்கிறது. 

இதனை இயக்குனர் டாம் ஹார்பர் இயக்குகிறார். இப்படத்திற்கு 'ஹார்ட் ஆப் ஸ்டோன்' எனப் பெயரிடப்பட்டுள்ளது. இந்த அறிவிப்பு சமூக வலைத்தளத்தில் வைரலாகி வருகிறது.