யாழ்.பருத்தித்துறை - கரணவாயில் மினி சூறாவளி தாக்கம்! 18 வீடுகள் சேதம்..

யாழ்.பருத்தித்துறை - கரணவாய் பகுதியில் சற்றுமுன் வீசிய மினி சூறாவளியினால் வீடுகள் சில சேதமடைந்துள்ளது. 

பாதிப்புகள் தொடர்பாக கிராம அலுவலகர்கள் சேத விபரங்களை சேகரித்து வருகின்றனர். கிடைக்கப் பெற்ற விபரங்களில் 

கரணவாய் தெற்கு ஜெ/348 கிராம அலுவலகர் பிரிவில் வீடொன்றின் கூரை வீழ்ந்துள்ளது. சம்பவத்தில் எவருக்கும் காயம் ஏற்படவில்லை. 

மோட்டார் சைக்கிள் மற்றும் உடமைகள் பாதிக்கப்பட்டுள்ளதாக தெரியவந்துள்ளது. அத்துடன் குமரிதோட்டம் பகுதியில் 5 வீடுகளின் கூரைகள் தூக்கி வீசப்பட்டதாகவும், 

மற்றும் கரணவாய் மகா வித்தியாலய கூரையும் பாதிக்கப்பட்டுள்ளதாக தகவல்கள் கிடைத்துள்ளன.

அத்துடன் கரணவாய் மத்தி ஜெ/350 கிராம அலுவலகர் பிரிவில் பலா மரங்கள், வாழை போன்ற மரங்கள் முறிந்து வீழ்ந்ததுடன், 

மூத்த விநாயகர் சந்தையில் உள்ள கடை ஒன்றின் தகரத்திலான கூரை சேதமடைந்துள்ளது. இவ்வாறு மினி சூறாவளி வீசியதில் 18 குடும்பங்கள் பாதிக்கப்பட்டுள்ளதாக 

தெரிவிக்கப்பட்டுள்ளது.