4 மாத காதலியை கடத்த 7 பேருடன் வந்த காதலன்..! ஒருவர் பலி, காதலி உட்பட இருவர் காயம், காதலன் உட்பட 6 பேர் தலைமைறைவு! நடந்தது இதுதானாம்..

கிளிநொச்சி - வட்டக்கச்சி புதுப்பாலம் பகுதியில் டிப்பர் கவிழ்ந்து விபத்துக்குள்ளாகி 17வயதான ஒருவர் உயிரிழந்த சம்பவம் தொடர்பான மேலதிக தகவல்கள் வெளியாகியிருக்கின்றது. 

இதன்படி ஒட்டுசுட்டான் - மானுருவி பகுதியை சேர்ந்த இளைஞர் ஒருவர் கடந்த 4 மாதங்களாக புளியம்பொக்கணை பகுதியை சேர்ந்த 23 வயதான பெண்ணை காதலித்து வந்திருக்கின்றார். 

இந்நிலையில் நேற்றய தினம் மாலை காதலியை வீட்டிலிருந்து கடத்திச் செல்வதற்காக 7 பேருடன் டிப்பர் வாகனத்தில் வந்து பெண்ணை கடத்திக்கொண்டு ஓடுகையில் கட்டுப்பாட்டை இழந்த டிப்பர் விபத்துக்குள்ளானது. 

சம்பவத்தில் புளியம்பொக்கணை பகுதியை சேர்ந்த 17 வயதான ஒருவர் உயிரிழந்ததுடன், கடத்தப்பட்ட காதலி உட்பட இருவர் காயமடைந்துள்ளனர். சம்பவத்தில் காதலன் உட்பட 6 பேர் தப்பி ஓடி தலைமறைவாகியுள்ளனர். 

அவர்களை கைது செய்ய பொலிஸார் துரித நடவடிக்கை எடுத்துள்ளதுடன் தப்பி ஓடியவர்கள் ஏற்கனவே குற்றச் செயல்களுடன் தொடர்புபட்டிருந்தவர்களா? என்ற கோணத்திலும் விசாரணைகளை நடத்துவதாக கூறப்படுகின்றது.