இளம் குடும்ப பெண் மீது வீடு புகுந்து சரமாரி வாள்வெட்டு! வீட்டிலிருந்த பொருட்களும் சேதமாக்கப்பட்டது..

முல்லைத்தீவு - புதுக்குடியிருப்பு வள்ளுவர்புரம் பகுதியில் ரவுடி கும்பலின் தாக்குதலுக்கு இலக்கான இளம் பெண் மாவட்ட வைத்தியசாலையில் சிகிச்சைக்காக அனுமதிக்கப்பட்டுள்ளார். 

குறித்த சம்பவம் தொடர்பாக மேலும் தொியவருவதாவது, நேற்றய தினம் வள்ளுவர்புரம் கிராமத்தில் இளைஞர் குழுக்கழுக்கிடையில் ஏற்பட்ட முரண்பாடு வாள்வெட்டாக மாறியுள்ளது. 

கஞ்சா பாவனையில் இளைஞர்கள் ஈடுபட்டுள்ளதால் இச்சம்பவம் இடம்பெற்றுள்ளதாக கிராம மக்கள் தெரிவித்துள்ளார்கள். 

குடும்பஸ்தர் ஒருவரின் வீட்டிற்குள் புகுந்த இளைஞர் குழு அங்கிருந்த உந்துருளிகள், பொருட்களை வாளால் வெட்டி சேதப்படுத்தியுள்ளதுடன் 

இளம் குடும்ப பெண் ஒருவர் மீதும் வாள்வெட்டு தாக்குதல் இடம்பெற்றுள்ளது. இதன் போது படுகாயமடைந்த 24 அகவையுடைய இளம் குடும்ப பெண் 

புதுக்குடியிருப்பு ஆதார மருத்துவமனை கொண்டுசெல்லப்பட்டு மேலதி சிகிச்சைக்காக முல்லைத்தீவு மாவட்ட மருத்துவமனை எடுத்து செல்லப்பட்டுள்ளார். 

வாள்வெட்டுடன் சம்மந்தப்பட்ட 6 பேரை புதுக்குடியிருப்பு பொலீசார் கைதுசெய்துள்ளதுடன் விசாரணைகள் இடம்பெற்று வருவதாகவும் மேலும் பலரை 

கைதுசெய்யவுள்ளதாகவும் புதுக்குடியிருப்பு பொலீசார் தெரிவித்துள்ளார்கள். வள்ளுவர்புரம்,றெட்பான,

கிராமங்களில் இளைஞர்கள் மத்தியில் கஞ்சாபாவனை அதிகரித்து வருவதாக கிராம மக்கள் தெரிவித்துள்ளார்கள்.