யாழ்.அல்லைப்பிட்டி - ஊர்காவற்றுறை வீதியில் இராணுவம் அதிரடி! 6 கிலோ 500 கிராம் கஞ்சாவுடன் ஒருவர் சிக்கினார்..

யாழ்.அல்லைப்பிட்டியில் ஆட்டோவில் கடத்தப்பட்ட சுமார் 6 கிலோ 500 கிராம் கேரள கஞ்சா கைப்பற்றப்பட்டுள்ளதுடன், கடத்தி சென்ற நபர் ஒருவர் கைது செய்யப்பட்டுள்ளார். 

ஊர்காவற்றுறை - அல்லைப்பிட்டியில் இன்று பிற்பகல் ஒரு மணிக்கு இராணுவத்தினரால் முன்னெடுக்கப்பட்ட சோதனை நடவடிக்கையின் போதே சந்தேக நபர் கைது செய்யப்பட்டதுடன் 

அவரிடமிருந்து 3 பொதிகளில் 6 கிலோ 500 கிராம் கேரள கஞ்சா கைப்பற்றப்பட்டுள்ளது.அல்லைப்பிட்டி 3ஆம் வட்டாரத்தைச் சேர்ந்த 56 வயதுடைய ஒருவரே கைது செய்யப்பட்டுள்ளார்.

சந்தேக நபர் ஊர்காவற்றுறை பொலிஸ் நிலையத்தில் ஒப்படைக்கப்பட்டுள்ளார். அவரிடம் கைப்பற்றப்பட்ட கஞ்சா மற்றும் முச்சக்கர வண்டியும் பொலிஸாரிடம் ஒப்படைக்கப்பட்டுள்ளது.