உரைப் பையில் மயங்கி கிடந்த இளைஞன்..! பொதுமக்கள் வழங்கிய தகவல் அடிப்படையில் பொலிஸாரால் மீட்பு..

உரைப் பையில் மயக்கமடைந்த நிலையில் கிடந்த இளைஞன் பொலிஸாரினால் மீட்கப்பட்டு வைத்தியசாலையில் அனுமதிக்கப்பட்டிருக்கின்றார். 

குறித்த சம்பவம் தம்புள்ளை பகுதியில் இன்று இடம்பெற்றிருக்கின்றது. தம்புள்ளை நகரிலுள்ள வர்த்தக நிலையம் ஒன்றின் முன்பாக உரைப் பையில் இளைஞர் ஒருவர் கிடந்துள்ளார். 

இதனை அவதானித்த பொதுமக்கள் பொலிஸாருக்கு தகவல் வழங்கிய நிலையில் சம்பவ இடத்திற்கு வந்த பொலிஸார் இளைஞனை மீட்டு வைத்தியசாலையில் அனுமதித்துள்ளனர். 

குறித்த இளைஞன் மாவத்தகமவைச் சேர்ந்த காமினி திசாநாயக்க என்பர் என அடையாளம் காணப்பட்டுள்ளார்.