நாட்டில் மேலும் சில பகுதிகள் இன்று மாலை முடக்கப்படலாம்..! 8 மாவட்டங்களில் 29 பகுதிகள் முடக்கலில், இராணுவ தளபதி அறிவிப்பு..

நாட்டில் கொரோனா தொற்று பரவல் தீவிரமாகிவரும் நிலையில் நாட்டில் மேலும் சில பகுதிகளில் இன்று மாலை முடக்கப்படலாம். என இராணுவ தளபதி, ஜெனரல் சவேந்திர சில்வா கூறியுள்ளார். 

இன்றைய தினம் (வியாழக்கிழமை) கிடைக்கும் தரவுகளுக்கு அமைவாக, தேவைப்பட்டால் மாத்திரம் பிற்பகல் நேரத்தில் இந்த நடவடிக்கை எடுக்கப்படும் என அவர் மேலும் தெரிவித்தார்.

கொரோனா நோயாளர்கள் அடையாளம் காணப்படும் இடங்களைக் கருத்திற்கொண்டு, எதிர்காலத்தில் பெரும்பாலும் சில பிரதேசங்களை தனிமைப்படுத்த நேரிடும் எனவும் அவர் மேலும் தெரிவித்தார்.

மேலும் இதுவரை 8 மாவட்டங்களில் 29 பகுதிகள் முடக்கப்பட்டுள்ளதாகவும் கூறப்படுகின்றது.