யாழ்.போதனா வைத்தியசாலை மற்றும் யாழ்.பல்கலைக்கழக மருத்துவபீடம் ஆகியவற்றின் PCR முடிவுகள் வெளியானது..! வடக்கில் 30 பேருக்கு தொற்று உறுதி..

ஆசிரியர் - Editor I

யாழ்.போதனா வைத்தியசாலை மற்றும் யாழ்.பல்கலைகழக மருத்துவபீடம் ஆகியவற்றில் 625 பேருக்கு நேற்றயதினம் நடத்தப்பட்ட PCR பரிசோதனையில் 30 பேருக்கு தொற்று உறுதிப்படுத்தப்பட்டுள்ளதாக யாழ்.போதனா வைத்தியசாலை பணிப்பாளர் த.சத்தியமூர்த்தி கூறியுள்ளார்.

இதன்படி யாழ்.மாவட்டத்தில் ஒருவருக்கும், மன்னார் மாவட்டத்தில் 23 பேருக்கும், வவுனியா மாவட்டத்தில் 6 பேருக்குமாக 30 பேருக்கு கொரோனா தொற்று உறுதி செய்யப்பட்டிருக்கின்றது.

மேலும் ஸ்ரீஜெயவர்த்தனபுர பல்கலைக்கழகத்தில் நடத்தப்பட்ட பீ.சி.ஆர் பரிசோதனையில் வடமாகாணத்தை சேர்ந்த 20 பேருக்கு ஏற்கனவே தொற்று உறுதிப்படுத்தப்பட்டதாக மாகாண சுகாதார பணிப்பாளர் ஆ.கேதீஸ்வரன் கூறியுள்ளார்.

Radio