பொதுமகனின் பையில் இருந்து 92 ஆயிரம் ரூபாய் பணத்தை திருடிய பொலிஸ் அதிகாரிகள் இருவர் கைது..!

புத்தளம் மஹாவெவ பொலிஸ் சோதனை சாவடியில் பயணி ஒருவரிடமிருந்து 92 ஆயிரம் ரூபாய் பணத்தை கொள்ளையடித்த குற்றச்சாட்டில் இரு பொலிஸ் அதிகாரிகள் கைது செய்யப்பட்டிருக்கின்றனர். 

மாரவில பொலிஸ் நிலையத்தில் பணியாற்றும் உப பொலிஸ் பரிசோதகர் மற்றும் பொலிஸ் கான்ஸ்டபிள் ஆகிய இருவருமே இவ்வாறு கைது செய்யப்பட்டிருக்கின்றனர். 

மோட்டார் சைக்கிளில் பயணித்த நபர் ஒருவர் குறித்த சோதனை சாவடியில் போடப்பட்டிருந்த வீதி தடையில் மோதியுள்ளார். இதன்போது குறித்த இரு பொலிஸாரும் அந்த நபரை தாக்கியதுடன், 

அவருடைய பையில் இருந்த பணத்தை திருடியுள்ளனர். இந்த சம்பவம் தொடர்பில் அங்கு கடமையில் இருந்த மற்றொரு பொலிஸ் உத்தியோகஸ்த்தர் கொடுத்த தகவலின் அடிப்படையில், 

92 ஆயிரம் பணத்தை திருடிய இருவரும் கைது செய்யப்பட்டிருக்கின்றனர்.