யாழ்.நெடுந்தீவில் பெருமளவு இராணுவம், கடற்படை குவிக்கப்பட்டு தேடுதல்..! படகு ஒன்றில் தீவிரவாதிகள் நுழைந்ததாக தகவல்..

யாழ்.நெடுந்தீவு பகுதியில் அநாமதேய படகு ஒன்று காணப்பட்டிருப்பதுடன், குறித்த படகில் இந்தியா்கள் சிலா் நெடுந்தீவுக்குள் நுழைந்துள்ளதாகவும் கூறப்படும் நிலையில், அவா்கள் தீவிரவாதிகளாக இருக்கலாம் என்ற கோணத்தில் தேடுதல் வேட்டை நடாத்தப்பட்டுவருகிறது. 

இதனால் நெடுந்தீவு பகுதி பரபரப்பாக காணப்படுகிறது. யாழ்ப்பாணம் நெடுந்தீவு கடற்கரையில் மர்மப் படகில் வந்து இறங்கியவர்கள் காணாமல் போனமை தொடர்பாக அப்பகுதியில் உள்ள வீடுகள் ஒவ்வொன்றும் இராணுவம் மற்றும் கடற்படையினரால் சோதனையிடப்பட்டு வருகின்றது. 

கடந்த 26 ஆம் திகதி இந்தியாவில் இருந்து வந்திருக்கலாம் என்று சந்தேகிக்கப்படும் படகு ஒன்று மீட்க்கப்பட்டுள்ளதோடு, அந்தப் படகில் நான்கு பேர் வந்திறங்கியுள்ளனர் என புலனாய்வுப் பிரிவினருக்கு தகவல் கிடைத்துள்ளது.

எனினும் அவ்வாறு வந்து இறங்கியவர்கள் யார்? எங்கிருந்து வந்தனர் என இன்று வரை பாதுகாப்பு தரப்பினரால் கண்டு பிடிக்க முடியவில்லை. இதனை அடுத்து நெடுந்தீவு பகுதியில் உள்ள ஏனைய தீவுகளிலும் அங்கு செல்வோர் குறித்தும் விசாரணை நடத்தப்பட்டு வருகிறது.

மர்மப் படகில் வந்தவர்கள் இந்தியாவில் உள்ள ஈழ அகதிகளா அல்லது பயங்கரவாத செயல்களுடன் தொடர்புடையவர்களா? அல்லது கடத்தல்காரர்களா? என பல கோணங்களில் முப்படையினரும் விசாரணையில் களமிறங்கியுள்ளனர்.