திருகோணமலை- சம்பூரில் வீட்டுக்குள் நுழைந்த முதலை!

திருகோணமலை- சம்பூரில் குடியிருப்புக் காணியொன்றுக்குள் புகுந்த சுமார் 8 அடி நீளமான முதலை கந்தளாய் வனஜீவராசிகள் திணைக்கள அதிகாரிகளால் பாதுகாப்பாக மீட்கப்பட்டுள்ளது. 

வீட்டு உரிமையாளர், வீட்டிலிருந்து வெளியே வந்து பார்த்த போது, கிணற்று ஒரமாக முதலையொன்று நிற்பதைக் கண்டு கூக்குரலிட்டு, அயலவர்களை அழைத்த போது, முதலை ஓட முனைந்துள்ளது. எனினும், வீட்டின் முன்னால் உள்ள வடிகானுக்குள் வீழ்ந்தது.

இதனையடுத்து, வனஜீவராசிகள் திணைக்கள அதிகாரிகளுக்குத் தகவல் வழங்கியதையடுத்து, அவர்கள் முதலையை பாதுகாப்பாக மீட்டெடுத்துச் சென்றுள்ளனர்.