இரு மோட்டார் சைக்கிள்கள் நேருக்கு நேர் மோதி கோர விபத்து! 18 வயதான இளைஞன் சம்பவ இடத்திலேயே பலி, மற்றொருவர் படுகாயம்...
முல்லைத்தீவு - மாமூலை பகுதியில் நேற்று இரவு இடம்பெற்ற மோட்டார் சைக்கிள் விபத்தில் இளைஞர் ஒருவர் சம்பவ இடத்திலேயே உயிரிழந்துள்ளதுடன், மற்றொரு இளைஞர் படுகாயமடைந்த நிலையில் வைத்தியசாலையில் அனுமதிக்கப்பட்டிருக்கின்றார்.
இரு மோட்டார் சைக்கிள்கள் நேருக்கு நேர் மோதி இந்த விபத்து இடம்பெற்றுள்ளது. விபத்தில் முள்ளியவளை - பூதன்வயல் கிராமத்தை சேர்ந்த தி.கேதீஸ்வரன் (வயது18) என்ற இளைஞன் சம்பவ இடத்திலேயே உயிரிழந்த நிலையில், 17 வயதான மற்றைய இளைஞன் படுகாயமடைந்துள்ளார்.
சம்பவம் தொடர்பாக முள்ளியவளை பொலிஸார் விசாரணைகளை முன்னெடுத்துள்ளனர்.
